«Ազատ խոսքի» ակումբը նախորդ՝ ընկերական փուլում Հոկտեմբերի 25-ին «Ահաբեկիչների հետ չպետք է բանակցել» թեմայով բանավիճեց Երևանի թիվ 115 դպրոցի բանավեճի ակումբի անդամների հետ։ Բանավեճի ընկերական փուլին նոյեմբերի 18-ին հաջորդում է մրցութային փուլը։
Մինչև մրցութային փուլը մենք ունեցել ենք նախապատրաստական հետևյալ պարապմուքները՝
Բանավեճի նախապատրաստական փուլ․
- Նոյեմբերի 3-ին, ժամը՝ 13։00՝ պարապմունք՝ «Բանավեճային Yes ֆորմատի առանձնահատկությունները» թեմայով։ Հանդիպում ենք՝ Մայր դպրոցի նկուղ-ակումբում։
- Նոյեմբերի 5-ին, ժամը՝ 13։00 պարապմունք․ հանդիպման օրակարգը՝ «Yes ֆորմատով տեղի ունեցած բանավեճի դիտում-քննարկում»․ հղում
- Նոյեմբերի 6-ին, ժամը 15։00 առցանց պարապմունք․ հանդիպման օրակարգը՝ «Մրցութային թիմի ձևավորում։ Խոսնակների բաժանում»։ Առցանց պարապմունք, թիմսի հղում։
- Նոյեմբերի 10-ին, ժամը՝ 13։00 պարապմունք Մայր դպրոցի նկուղային ակումբում։ Թեմայի ուսումնասիրության արդյունների քննարկում։
- Նոյեմբերի 11-ին, ժամը՝ 14:15 պարապմունք Մայր դպրոցի նկուղային ակումբում։ Փորձնական բանավեճ
- Նոյեմբերի 16-ին, ժամը՝ 18:30 առցանց պարապմունք, թիմսի հղում։
- Նոյեմբերի 17-ին, ժամը՝ 14։15, պարապմունք՝ «Նախապատրաստական փուլ», Մայր դպրոցի նկուղ
- Նոյեմբերի 18-ին բանավեճ Երիցյան վարժարանի սովորողների դեմ։ Բանավիճում ենք «Երիցյան վարժարանում», ժամը 15։00
Նոյեմբերի 18-ին «Մխիթար Սեբաստացի» կրթահամալիրի «Ազատ խոսքի» ակումբի անդամները հյուրընկալել էին «Երիցյան» վարժարան։ Վարժարանի սովորողների հետ կազմակերպվեց բանավեճ՝ «Հկ-ները չպետք է ֆինանսավորվեն դրսից» թեմայով։ Այս փուլը մրցութային էր և շատ կարևոր էր պատշաճ ներկայանալը և լավ բանավիճելը։
«Հկ-ները չպետք է ֆինանսավորվեն դրսից» թեմայի շուրջ վիճակահանության արդյունքում մեր թիմը ներկայացնում էր «կողմ» դիրքորոշումը։ Սկզբից նկատվեց դիմացի թիմի դիրքորոշման առավելությունը, սակայն դա մեզ չխանգարեց ամբողջույթամբ մեր ուժերը դրսևորել։ Քանի որ բանավեճը մրցութային էր, մենք կարողացանք հավաքել 43 միավոր, որը մեզ հնարավություն տվեց անցնել հաջորդ փուլ, որտեղ մենք կհանդիպենք Երևանի թիվ 148 Ավագ դպրոցի սովորողների հետ։ Այդ բանավեճի թեման կլինի կրթական՝ «Դպրոց հաճախելը չպետք է լինի պարտադիր»։ Հանդիպումը տեղի կունենա դեկտեմբերի 13-ին։
«Ազատ խոսքի» ակումբի թիմը հաղթահարեց «Երիցյան» վարժարանի հետ նոյեմբերի 18-ին կազմակերպված բանավեճի մրցութային փուլը։ Հաջորդ մրցութային բանավեճի կանգառը դեկտեմբերի 13-ին է, Երևանի թիվ 148 Ավագ դպրոցի հետ։ Բանավեճի թեման կրթական է և շատ կարևոր է մեզ համար։ Մեր կրթահամալիրը ունի այլընտրանքային կրթության լայն հնարավորություններ և փորձ, որը կարող է օգտագործվել բանավեճի ժամանակ։
Նոյեմբեր վերջին մենք ունեցանք հետևյալ հանդիպումները՝
- Նոյեմբերի 24-ին, ժամը՝ 14։15՝ պարապմունք՝ «Նախորդ բանավեճերի վերլուծություն» թեմայով։ Հանդիպում ենք՝ Մայր դպրոցի նկուղ-ակումբում։
- Նոյեմբերի 26-ին, ժամը՝ 14։15 հանդիպում Ավագ դպրոցի ակումբում․ հանդիպման օրակարգը՝ «Yes ֆորմատով տեղի ունեցած բանավեճի դիտում-քննարկում»։ Թեմա՝ «Հկ-ները չպետք է ֆինանսավորվեն դրսից»։
Ազատ խոսքի ակումբ 